ბევრი ქალი აღიარებს: „მე მშობიარობის ტკივილის მეშინია…“
მაგრამ იცით რა? ტკივილი არ უნდა იყოს შიში — ის შეიძლება გახდეს ძალა!დღეს თანამედროვე მედიცინაში არსებობს უამრავი გზა, რომ მშობიარობა არ იყოს ტანჯვა, არამედ — ცხოვრების საოცარი წამი, როცა პირველად იგებ საკუთარი შვილის სუნთქვას.ბუნებრივი გაუტკივარების გზებიფიზიოლოგიური მშობიარობა არ ნიშნავს ტკივილის ატანას. არსებობს მეთოდები, რომლებიც გეხმარება ტკივილის შიშის დაძლევაში და სხეულის ბუნებრივ ძალასთან დაკავშირებაში.
სწორი სუნთქვა და რელაქსაცია – ამშვიდებს, აუმჯობესებს ჟანგბადის მიწოდებას ბავშვს და ამცირებს ტკივილს.
თბილი შხაპი ან აბაზანა – წყალი ამცირებს კუნთების დაძაბულობას და აჩქარებს გახსნის პროცესს.მოძრაობა, პოზის შეცვლა – გრავიტაცია ბუნებრივად ეხმარება ბავშვს დაბადებაში.
მესიჯი და პარტნიორის მხარდაჭერა – ემოციური სითბო ხანდახან უკეთესად მოქმედებს, ვიდრე წამალი.
მუსიკა და მშვიდი ატმოსფერო – ამცირებს ადრენალინს და ზრდის ენდორფინებს – ბუნებრივ ტკივილგამაყუჩებლებს.
მედიცინის ძალა — როცა საჭიროა დახმარებათუ ბუნებრივი მეთოდები საკმარისი არ აღმოჩნდა, ექიმს შეუძლია შემოგთავაზოს თანამედროვე, უსაფრთხო გაუტკივარება:
ეპიდურალური ანალგეზია – ადგილობრივი ანესთეზია, რომელიც ტკივილს აქრობს, მაგრამ შენ სრულად ცნობიერი ხარ და მონაწილეობ შენი შვილის დაბადებაში.
ინჰალაციური გაზური მეთოდი – სპეციალური ნიღბით შესუნთქული უსაფრთხო ნარევი ამცირებს ტკივილს და ამშვიდებს. ორივე ტარდება პროფესიონალი ანესთეზიოლოგის ზედამხედველობით — დედის და ბავშვის უსაფრთხოება ყოველთვის პრიორიტეტია.
შევაჯამოთმშობიარობა შიში არ არის —ეს არის სიცოცხლის ყველაზე ძლიერი მომენტი და როცა ქალი ინფორმირებულია, მშვიდად სუნთქავს და იცის, რომ ტკივილი კონტროლს ექვემდებარება, ის პოულობს საკუთარ ძალას —სწორედ იმ ძალას, რომლითაც სიცოცხლეს აჩენს.
დაიმახსოვრე: ტკივილის შიში ქრება მაშინ, როცა გვესმის, რა ხდება ჩვენს სხეულში. გაუტკივარება არ არის კომფორტის არჩევა — ეს არის გონივრული, თანამედროვე მიდგომა მშობიარობისადმი.