8 ივლისს, რუსთავში, თბილ და განსაკუთრებულ გარემოში, გაიმართა ქვემო ქართლის წამყვანი მეან-გინეკოლოგებისა და აკადემიკოს ნ. ღუდუშაურის სახელობის ეროვნული სამედიცინო ცენტრის პერინატალური დეპარტამენტის ხელმძღვანელის, მედიცინის დოქტორის — პაატა ჟორჟოლიანის შეხვედრა.
შეხვედრის მთავარი თემა იყო: „ნაყოფის მხარდაჭერა პლაცენტარული დარღვევების დროს“ — საკითხი, რომელიც თანამედროვე მეანობა-გინეკოლოგიაში განსაკუთრებულ ყურადღებასა და პროფესიულ ჩართულობას მოითხოვს.
საღამომ საქმიან, საინტერესო და კოლეგიალურ ატმოსფეროში ჩაიარა. შეხვედრის დასრულების შემდეგ მონაწილეებმა და სპიკერმა ერთად აღნიშნეს პროფესიული დიალოგის მნიშვნელობა, გამოცდილების გაზიარებისა და რეგიონში სამედიცინო პრაქტიკის განვითარების აუცილებლობა.