15 მაისს, თბილისის სახელმწიფო სამედიცინო უნივერსიტეტში წარმატებით შედგა პაატა ჟორჟოლიანის სადოქტორო დისერტაციის დაცვა. სადისერტაციო საბჭოს გადაწყვეტილებით, წარდგენილი სამეცნიერო ნაშრომის შეფასების საფუძველზე, პაატა ჟორჟოლიანს მედიცინის დოქტორის აკადემიური ხარისხი მიენიჭა.
სადისერტაციო ნაშრომი შესრულებულია თემაზე: „ენდომეტრიუმის მიკროგარემოს ჰორმონული, პროლიფერაციულ-აპოპტოზური და ადგილობრივი იმუნური რეაქციების თავისებურებები ენდომეტრიუმის სიმსივნისწინარე და სიმსივნურ პათოლოგიებში“. ნაშრომი წარმოადგენს კვლევას კლინიკური და თეორიული მედიცინის, კონკრეტულად კი ონკოგინეკოლოგიური პათოლოგიების მიმართულებით.
კვლევის ძირითადი სამეცნიერო-პრაქტიკული ღირებულება მდგომარეობს ენდომეტრიუმის სიმსივნისწინარე და სიმსივნური პროცესების განვითარების მექანიზმების შესწავლაში. უჯრედულ დონეზე მიმდინარე ჰორმონული, პროლიფერაციულ-აპოპტოზური და ადგილობრივი იმუნური რეაქციების კომპლექსური ანალიზით მიღებული მონაცემები ქმნის მყარ საფუძველს აღნიშნული პათოლოგიების ადრეული დიაგნოსტიკის მეთოდების გაუმჯობესებისა და თანამედროვე, მიზანმიმართული თერაპიული სტრატეგიების შემუშავებისთვის.
0 კომენტარი
დატოვე კომენტარი
ჯერჯერობით კომენტარები არ არის. იყავი პირველი!